GENOA-NAPOLI
Foto: napoli.it
Hysaj me Napolin, kthejnë lidershipin
25 October, 2017 @22:39
Napoli i Elsied Hysajt, ka mposhtur Genoan sonte në kuadër të xhiros së X të Serie A-së për të kthyer lidershipin në klasifikim.
Genoa udhëhoqi 1-0 shpejt, kur shënoi pas vetëm 4 minutave lojë, por napolitanët e drejtuar nga Maurizio Sarri kanë vazhduar formën shumë të mirë me belgun në formë, Dries Mertens, që shënoi dy herë për 1-2 pas 45 minutave lojë.
Në minutën e 60 të takimit Napoli thelloi epërsinë në 1-3, ndërsa e tëra që arriti Genoa deri në fund ishte ulja e epërsisë me golin e Armando Izzos, në 2-3.
Napoli me këtë fitore arrin kuotën e 28 pikëve dhe është i pari në tabelë, ndërsa Genoa mbetet pranë zonës së rrezikshme me vetëm 6 pikë nga 10 xhiro.
