MEDIA
Ibraimi para marrëveshjes me Shkëndijën
24 June, 2017 @22:16
Njëri prej futbollistëve më të rëndësishëm të Maqedonisë, Agim Ibraimi, është pranë nënshkrimit të kontratës me skuadrën tetovare, Shkëndija.
Sipas mediave maqedonase, Ibraimi është takuar ditë më parë me drejtuesit e Shkëndijës dhe tashmë është ndezur drita e gjelbërt për transferimin e tij, që pritet të realizohet në ditët në vijim.
Ibraimi kohëve të fundit ka pasur probleme të shumta me lëndime, ndërsa së fundi ka qenë pjesë e kampionit të Kazakistanit, Astana.
