GIUSEPPE MEAZZA
Interi konfirmon trajnerin e ri
8 November, 2016 @18:06
Pas shumë emrave të përmendur për ta marrë postin e trajnerit tek Interi, më në fund ka ardhur zyrtarizimi.
Klubi zikaltër ka konfirmuar që trajner i ri i skuadrës është Stefano Pioli, ndërsa kontrata e tij është nënshkruar që të jetë deri më 30 qershor 2018. Në stafin drejtues Pioli do t’i ketë këta emra: Giacomo Murelli (trajner i dytë), Davide Lucarelli (bashkëpunëtor teknik), Matteo Osti dhe Francesco Perondi (përgatitës atletik).
Pioli ishte drejtues i shumë skuadrave italiane, ndërsa suksesin më të madh e arriti me Lazion, skuadër me të cilën ai ishte pjesë e kualifikimeve play-off për Champions League dhe gjithashtu arriti në finale të ‘Coppa Italia’.
