ZGJIM MUSTAFA
Ish lojtari i Ferizajit dhe Dritës, te Dardana
25 January, 2020 @15:40
Futbollisti me përvojë të madhe në Superligë, Zgjim Mustafa, është zyrtarizuar si lojtar i ri i skuadrës së Dardanës nga Kamenica.
Mesfushori në fjalë pritet t’i ndihmojë skuadrës së Dardanës në luftë për Superligë. Edhe pse ekipi është në pozitë të nëntë të klasifikimit aktualisht, Dardana është vetëm 5 pikë larg lideres së pjesës vjeshtore të stinorit, Besa.
Dardana ka marrë shumë seriozisht mundësinë e inkuadrimit në Superligë dhe pas dy brazilianëve: Talisson e Yuri Aguilar është përforcuar edhe me Mustafën së fundi, që me përvojën e tij pritet t’i ndihmojë mjaft skuadrës.