Izraeli menzi nxjerr barazim ndaj Molldavisë

Rivalja e radhës për kombëtaren shqiptare në futboll në kualifikime për Botërorin Rusia 2018, Izraeli, ka pasur një paraqitje shumë të dobët sonte ndaj Molldavisë në miqësore.

Izraelitët kanë barazuar në momentin e fundit të ndeshjes dhe atë nga penalltia përmes Ben Saharit, 1-1, pasi që ishin në disavantazh që prej minutës së 50-të të ndeshjes kur Ginsari i dha avantazhin mysafirëve.

Shiko: TABELA DREJT RUSIA 2018

“Nuk jemi të mërzitur fare për këtë rezultat, pasi që ka qenë ndeshje provuese. Ka qenë vetëm lojë. Mos harroni edhe Shqipëria u mposht nga Luksemburgu ditë më parë, por kjo nuk do të thotë se ata nuk do të na shkaktojnë probleme, ose ne nuk do të jemi të motivuar për duelin ndaj tyre të dielën,” ka thënë trajneri i Izraelit, Elisha Levy.