Kaçanikasit u ndeshën me Chelsean, arritën vendin e katërt

Shkolla e Futbollit Diti Sport nga Kaçaniku, që tashmë ka ndërruar emrin në New Star, me grupmoshat e reja U-14 dhe U-13 po qëndron në Turqi këto ditë. 

Manavgat Cup në Antalya ka vënë përballë ekipit kosovar Chelsean e Londrës, ku në një ndeshje tejet interesante, kosovarët u mposhtën nga ekipi londinez. 

Sidoqoftë, ekipi U-14 i New Starit nuk ka dalë pa çmim nga ky turne, duke u kurorëzuar si ekipi më Fair-Play i turneut. 

Trajneri i tyre, Fatos Vishi, ka thënë se është shumë bukur që të ndeshesh me rivalë profesionalë në këtë kategori duke shpresuar në një arritje më të madhe në të ardhmen, pasi që ekipi U-14 arriti vendin e katërt në turne, ka njoftuar zyra e ambasadës norvegjeze në Kosovë, që ka qenë sponzore e këtij ekipi.