GANI SEJDIU
Po të kishim stadiumin tonë...
3 April, 2015 @12:31
Forma perfekte e Ferronikelit në pranverë me katër fitore në katër ndeshjet e para të zhvilluara, ka bërë që ekipi nga Drenasi të vazhdojë lidershipin e kapur nga vjeshta.
Edhepse pa stadium të vetin, ekipi drenicak ka arritur rezultate të mira për të vërtetuar se cilësia dhe loja ekipore që e aplikon, nuk ka të bëjë me atë se a po i luan ndeshjet si vendas apo mysafir, pasi që për këtë ekip, çdo stadium është i huaj.
Në një bisedë me Kohën Ditore sot, trajneri i Ferronikelit, Gani Sejdiu, ka thënë se po të kishte stadium të vetin, ekipi i tij, përsëri do të ishte në vend të parë, por me pikë më shumë.
“Përsëri do të kishim qenë në vend të parë, por do të mblidhnim më shumë pikë sigurisht. Këtë e garantoj,” ka thënë trajneri mitrovicas i ekipit, Sejdiu, citon gazeta në fjalë.
Ferronikeli ndeshjet si vendas i luan në Skenderaj, në stadium Bajram Aliu dhe për këtë ai ka falenderuar ekipin e Drenicës, derisa këtë xhiro ata do të ndeshen pikërsiht ndaj tyre, në ndeshjen e quajtur ‘derbi drenicak’.
Ndeshja zhvillohet të shtunën me fillim në ora 13:00 dhe do të referohet nga Kreshnik Vula, kryesor.
FAKT:
| Në stadiumin ku Ferronikeli është dashur t'i zhvillojë ndeshjet, tashmë po punohet për renovimin e saj dhe nuk dihet saktë se kur do të përfundojë renovimi. |
