Klopp direkt ndaj Neville: Nuk është në rregull të flasësh për YNWA

Trajneri i Liverpoolit, Jurgen Klopp, pas ndeshjes ka folur për mediat dhe fokusi kryesor ka qenë Superliga Evropiane.

Ai ka thënë se nuk është në rregull që Gary Neville të flet për You’ll Never Walk Alone.

“Shiko, nuk është në rregull që Gary Nevillë të flet për You’ll Never Walk Alone. Ajo është himna jonë dhe ne e këndojmë atë. I kuptoj unë emocionet, por jo në mënyrën se si flet Neville. Do të dëshiroja që ai të jetë në një karrige të nxehtë tash. Ai gjithmonë ka qenë në vendet ku ka pasur më së shumti para, te Manchester United, tash në Sky. Mos harroni që nuk është faji te ne. Ne jemi punëtorë. Unë jam trajner dhe përgjegjësia ime është që ta përgatis ekipin dhe të jap përgjigje për rezultatet. Sa i përket pronarëve, ata janë njerëz të mirë dhe serioz. Nuk i bëjnë gjërat - veç hajt! Me siguri e kanë menduar shumë mirë këtë punë. I kuptoj emocinet, mund të reagoni, por edhe gjërat duhet t’i rimendoni,” ka thënë Klopp.