Leeds ndal ekipin e Superligës Evropiane

Në ditën kur e gjithë bota foli për Superligën Evropiane, Leeds United ndali kampionin aktual të Premier Ligës dhe anëtarin e Superligës Evropipane Liverpool, duke barazuar 1-1 me golin e shënuar kah fundi i ndeshjes nga Diego Llorente.

Të kuqtë kishin ardhur në Elland Road nën presionin e tifozëve që janë kundër pjesëmarrjes së tyre në Superligën Evropiane, ndërsa vendasit i pritën para ndeshjes me pankarta dhe maica: Liga e Kampionëve duhet të meritohet.

TABELA AKTUALE

Sidoqoftë, kjo fillimisht s’bëri përshtypje për të përzgjedhurit e Jurgen Kloppit sonte, derisa Sadio Mane shënoi për epërsinë e skuadrës në minutën e 31-të të ndeshjes. Krejt kjo pas një vrapi dhe krosimi tejet të mirë të Trent Alex-Arnoldit.

Në pjesë të dytë një Leeds shumë më i mprehtë që pas disa paradave të bukura të Alissonit, gjeti golin me Llorenten për të kapur pikën në fund.

Me këtë Liverpool pëson edhe një goditje për të zënë vend në TOP 4 të elitës së futbollit anglez, që nën ethe po pret vendimet e ardhshme të ligës dhe të organit më të madh evropian të futbollit — që janë krejtësisht kundër Superligës Evropiane.

NOTAT E LOJTARËVE:

LEEDS UNITED: Meslier 6, Ayling 7, Llorente 8, Struijk 7, Alioski 7, Phillips 7, Dallas 7, Roberts 7, Helder Costa 6, Harrison 7, Bamford 7. Rez: Poveda 6, Klich 5, Hernandez n/a.

LIVERPOOL: Alisson 8, Alexander-Arnold 7, Kabak 6, Fabinho 6, Robertson 6, Wijnaldum 6, Thiago 6, Milner 7, Jota 7, Firmino 6, Mane 7. Rez: Salah 7, Oxlade-Chamberlain n/a.