MEDIA
Klopp synon sulmuesin e Argjentinës
7 June, 2016 @10:40
Mediat britanike sot kanë bërë të ditur se trajneri i Liverpoolit, Jurgen Klopp, është parë dhe fotografuar me agjentin e sulmuesit argjentinas, Gonzalo Higuain.
Kjo fotografi ka mjaftuar që mediat ta ‘veshin’ sulmuesin e Napolit me fanellë të Liverpoolit, ndërsa çka është biseduar në të vërtetë nuk dihet.
Por, thuajse është e sigurt që gjermani Klopp është duke shikuar të gjejë një sulmues të klasit të lartë për Liverpoolin, e stinori i shkëlqyeshëm i Higuainit - është mjaft bindës.
Higuain ka shënuar 36 gola për Napolin këtë stinor dhe është aktualisht në SHBA me reprezentacionin e Argjentinës në Copa America.
