Të gjitha lajmet

KOLUMNE

Kosova nuk vdes kurrë

Fotot: FFK

Kosova nuk vdes kurrë

Shkruan: LUAN MORINA

11 June, 2019 @20:04

Pasi që nuk jam konsumues dhe rrjedhimisht kurrë nuk kam qenë i dehur apo ‘lartë’, nuk di sa zgjatin këto gjendje shpirtërore. Por mund të ju them që fitorja e parë e Kosovës në kualifikime për Evropiane po zgjatë nja njëzetë orë së paku. Nga frika që mund të vonojë edhe më shumë, është koha të bëjmë analizën e rregullt pas ndeshjes.

TABELAT DREJT EURO2020

Shumica e ekipeve të reja, kombëtareve të reja, marrin kohë deri të adaptohen, të sistemohen si ekip, të fitojmë përvojë njëri me tjetrin. Rrjedhimisht, shumica e tyre rrënohen në momente të rënda psikike dhe humbin ndeshjet në fund. Se sa është rritur Kosova në aspektin psikik, shpirtëror, u pa mbrëmë kur nuk u dorëzuan deri në çastin e fundit të ndeshjes.

Ky mosdorëzim është pompuar në Podgoricë pas një fitoreje të lëshuar nga duart. Kjo nuk ndodhi mbrëmë pasi në momentin kur trysnia mbi Vocën e Halimin nisi të shtohej dhe krahët e sulmit nuk kishin më fuqi të ktheheshin në ndihmë mbrojtjes, maestro Challandes futi Rashkajn për të përforcuar mesfushën për Vocën që pati dy super-ndeshje, Zhegrovën e largoi për heroin përfundimtar Rashanin, e Hadërgjonaj e gjeti ekipin e zemrës duke zëvendësuar me përsosmërinë Vojvodën e lodhur në kthimet mbrapa.

Muriqi Vedat

Po luajmë me eufori dhe po fitojmë, por dobësitë janë të dukshme sidomos në dyshen defensive të mesfushës. Është mirë të përdorim treshe me Celinën ose njërin krahë që duhet të sakrifikohen pas një ore loje nëse kemi rezultat pozitiv. Por, guximi i maestros dhe gatishmëria e lojtarëve për të vdekur e mos humbur, po anulojnë çdo logjikë këto dy ndeshje.

TABELAT DREJT EURO2020

Muriçi ka nevojë për më shumë futboll të rregullt, dhe me transferimin e Steffen tek MCI, ndoshta do të huazohet në një ekip ku do të jetë më i rregullt. Aliti e Rrahmani ende janë stabil. Nëse të gjithë të lënduarit tjerë që i kemi gjejnë formën si Kololli, do të duhet të flemë ‘dath’ në vjeshtë! Voca ka qenë i papërshkrueshëm.

Lumët na që e kemi një mesfushë defensive kaq të pasur. Halimi... s’ka fjalë për të! Krejt tru! Celina ka lidhur për merak repartet, Muriqi u rikthye me një super-paraqitje duke u kthyer edhe tek pesëshja e Muriçit. Rashica! Kur talentit i shton disiplinë gjermane gjen njërin nga krahët më të mirë në Evropë! I jashtëzakonshëm ka qenë. E nga Rashica, i cili para dy viteve nuk ishte në ditët më të mira, mund të mësojë shumë Zhegrova!

Rashica Milot

Rashica është kritikuar së tepërmi në kualifikimet për Botëror. Ka heshtur, ka punuar, dhe ja ku është tani. Zhegrova mund të mësojë shumë, dhe pas dy viteve të kemi një Rashica 2.0. Vetëm se duhet punë, angazhim, dhe mbi të gjitha përulje e respekt ndaj bashkëlojtarëve. Me moshë më madhore vjen edhe pjekuria, por jo medoemos.

Kur jemi tek mosha, ende kemi ekip të përshtatshëm për Olimpiadë, gjersa ne luajmë e bëjmë kërdi me ekipe tjera të para. Këta djelmosha, me këtë ritëm zhvillimi s’kanë të ndalur. Dhe janë ndër të paktit që na bëjnë krenarë që jemi kosovarë, që jemi të këtij vendi. Janë ndër të paktit që na bëjnë të buzëqeshin tërë ditën! Na kënaqën!

TABELAT DREJT EURO2020

Debutimi i Hadërgjonajt ishte fantastik. Më pëlqeu që maestro nuk e futi në krahë të sulmit, por e priti lodhjen e Vojvodas duke rimbushur krahun e djathtë me energji shtesë. Rashkaj e bëri të njëjtën në mesfushë në repartin defensiv, ndërkohë Rashani ishte në çdo pjesë të fushës, sikur me malazezët.

Zhegrova

Këta djem, ky trajner, ky ekip nuk është normal!

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

DREJTOR SPORTIV

Artim Pollozhani te Flamurtari i Vlorës

9 August, 2019 @15:42

Ish futbollisti i reprezentacionit të Maqedonisë dhe futbollisti i Flamurtarit të Vlorës, Artim Pollozhani, pas vënies së këpucëve në gozhdë…

Të gjitha lajmet nga