MIQËSORE
Kroacia fiton 10-0
4 June, 2016 @22:54
Fitore bindëse sot ka shënuar Kroacia, e cila e ka mposhtur me rezultat 10-0 rivalin e dobët, San Marinon.
Ndeshja e fundit përgatitore para Kampionatit Europian, u shndërrua në stërvitje për kroatët, të cilët në mesatare shënonin çdo nëntë minuta një gol.
Dy lojtarë të Kroacisë, Mario Mandzukic dhe Nikola Kalinic, e përfunduan takimin me hat-trick.
Kroacia gjendet në grupin D në Europian së bashku me Spanjën, Turqinë dhe Republikën Çeke, ndërsa ndeshjen e parë do ta luajë më 12 qershor ndaj Turqisë.
