PORTIERI I DRITËS
Leutrim Rexhepi huazohet te Vitia
23 January, 2020 @16:50
Portieri i deritashëm i Dritës, Leutrim Rexhepi, është huazuar për pjesën e mbetur të stinorit te ekipi i Ligës së Parë, Vitia.
Drita ka zyrtarizuar njoftimin sot, derisa të njëjtën para pak çastesh e ka bërë të ditur edhe klubi vitias.
Rexhepi kishte pasur një operim, pas lëndimit në gjurin e tij dhe mbeti jashtë fushave për tetë muaj.
Pas riaftësimit të plotë, ai ka kryer fazën përgatitore me Dritën dhe për të marrë minutazhë dhe për tu kthyer në formën e tij të mëparshme, është huazuar te Vitia.