CHELSEA - ARSENAL
Karton i kuq, dy herë rikthim - barazim me dy goditje në portë
21 January, 2020 @23:18
Me vetëm dy goditje në drejtim të portës së Chelseat, Arsenal ka arritur të sigurojë pikë në Stamford Bridge, pas ndeshjes së sontme.
Shkodran Mustafi është treguar fatal për Arsenalin, pasi që pas gabimit të tij David Luiz ndërhyn te Tammy Abraham dhe merr karton të kuq, e Jorginho shënon nga penalltia për 1-0 në të mirë të ekipit të Frank Lampardit.
Sidoqoftë topçinjtë nuk u dorëzuan dhe përkundër se pjesën e mbetur të lojës, nga minuta e 28-të e luajtën me 10 lojtarë në fushë, kanë arritur që të barazojnë në 1-1 e më pas edhe në 2-2 [Jorginho 28, Azpilicueta 84 - Martinelli 63, Bellerin 87] për të shkëputur pikën e madhe nga të kaltërit e Londrës.
Arsenal ka patur vetëm dy goditje në portën e Chelseat - dhe që të dyjat u bënë gol, karshi 19 goditjeve të djelmoshave të Lampardit!