Lider i ri në LaLiga

Pas humbjes së dytë të Barcelonës, barazimit të Atletico Madridit dhe fitores së Real Madridit sonte, La Liga ka marrë një pamje krejt tjetër.

Kampionati spanjoll që dominohej në vitet e fundit nga treshja e përmendur më lartë, është ngjyrosur mjaft dhe tashmë, pas lidershipit të fituar mbrëmë nga Granada, sonte aty është Athletic Bilbao.

Baskët kanë shënuar fitore ndaj Deportivo Alavesit 2-0, me golat e Raul Garcias (38’) dhe Iker Muniainit (72’) për të regjistruar fitoren e tretë të stinorit dhe me 11 pikë e goldallim +5 kryejnë xhiron e pestë si lider të La Ligas.

Karim Benzema në anën tjetër i ka sjellë Real Madridit fitoren e madhe në derbi, pasi që madrilenët e drejtuar nga Zinedine Zidane, kanë mposhtur Sevillën sonte në Ramon Sanchez Pizjuan 0-1. Kjo është fitorja e dytë me radhë për Real Madridin, ndërsa bashkë me liderin dhe Osasusën - janë ekipet e vetme të pamposhtura në La Liga këtë stinor pas 5 xhirove të para të zhvilluara.

Osasuna që është e dhjeta në klasifikim, ka 1 fitore dhe 4 barazime!