PODUJEVË
Llapi do t’i fillojë të hënën stërvitjeve
2 January, 2021 @16:40
Skuadra nga Podujeva, Llapi, ka njoftuar se do të fillojë përgatitjet për gjysmën e dytë të stinorit nga data 4 janar.
“Të hënën më 4 janar skuadra nis përgatitjet për edicionin pranveror. Në stadiumin “Zahir Pajaziti” skuadra grumbullohet për të nisur fazën përgatitore për pjesën e mbetur të kampionatit. Stërvitja e së hënës nis në ora 12:00,” thuhet në njoftimin e skuadrës.
Llapjanët gjithashtu kanë bërë të ditur se prezentë në këtë stërvitje do të jenë të gjithë futbollistët e skuadrës, përfshirë edhe përforcimet e reja të këtij afati kalimtar.
Llapi pjesën vjeshtore të Superligës e mbylli në pozitën e nëntë me 6 fitore, 2 barazime dhe 10 humbje.
