Llapi hap stinorin me dy transferime

Skuadra nga Podujeva, Llapi, para stinorit 2018/19 ka nisur duke shtuar në skuadër dy lojtarë nga Trepça 89.

Bledar Hajdini dhe Fiton Hajdari që nga stinori i ardhshëm do të jenë te Llapi.

Hajdini do ta përforcojë portën e llapjanëve. Ai në stinorin e kaluar e kishte ‘mbyllur’ portën e Trepçës 89, 18 herë gjatë stinorit, ku arriti të merr ftesë edhe nga Përfaqësuesja e Kosovës.

Ndërsa Hajdari i rikthehet Llapit për herë të dytë, kurse pritet të sjellë ndihmë në repartin e sulmit. Fitoni luan gjithashtu edhe në pozitën si mesfushor sulmues.

Llapi stinorin e kaluar e përfundoi në pozitën e tretë me 54 pikë të grumbulluara.