NASER ALIJI
Mbrojtësi kuqezi në elitën hungareze
29 August, 2019 @22:36
Pas kalimit nga ekipi i Serie B-së, Virtus Entella, në elitën rumune ku një stinor luajti për Dinamo Bucurestin, tashmë zyrtarisht Naser Aliji ka nënshkruar kontratë 3 vjeçare me ekipin hungarez, Honved.
“Për fat të mirë, dëshiroj t’ju informoj se kam hapur një kapitull të ri në karrierë. Mezi pres të debutojë me ekipin e ri Honved dhe premtoj të jap më të mirën time për këtë klub të madh,” ka thënë ndër të tjera Aliji në përshkrimin e tij njoftues për kalimin në ekipin e ri.
Loja e fundit që Aliji e ka luajtur të plotë për kombëtaren ka qenë nën drejtimin e trajnerit të përkohshëm, në fitore ndaj Andorrës 0-3. Në duelet tjera të kombëtares, prej se ardhur në krye të ekipit Edy Reja, ai s’është paraqitur asnjë minutë në lojë.