ELSEID HYSAJ
Nga LaLiga trokasin për Hysajn
29 August, 2019 @22:28
E përditshmja madrilene Marca ka bërë të ditur sot se skuadra e Valencias është e interesuar që të blejë nga Napoli mbrojtësin e djathtë shqiptar, Elseid Hysaj.
Shkodrani 25 vjeç ka regjistruar 135 paraqitje me napolitanët prej se kaloi aty nga Empoli në vitin 2015.
“Kemi qenë në kontakt me Valencian prej mëngjesi. Kemi shumë pak kohë, që po shkakton telashe, por tash duhet të marrim masa për të përfunduar punë shpejt,” ka thënë agjenti i kapitenit të kombëtares shqiptare për Sky Sportsin.
Klauzola e lirimit të Hysajt nga Napoli është 45 milionë euro, mirëpo drejtuesit e ekipit spanjoll besojnë se mund ta marrim për një çmim edhe më të lirë Hysajn, që në xhiron e parë të Serie A-së, nuk startoi për ekipin e drejtuar nga Carlo Ancelotti.