Tito, s’mund të mposhtesh

Pas njoftimit se Tito Vilanovës i është diagnostifikuar përsëritje e kancerit, ndërmjet tjerash ka reaguar edhe kapiteni i Real Madridit, Iker Casillas, duke treguar madhështinë e tij si njeri.

“Tito, ti do t’i dalësh mbanë kësaj. Të gjithë po të dërgojmë fuqi dhe forcë, si nga futbolli ashtu edhe jashtë saj. Ekip më të mirë nuk ke mund të kesh asnjëherë. Për këtë nuk ka gjasa që të humbasësh këtë ballafaqim,” ka shkruar Casillas në llogarinë e tij në Facebook.

Edhe lojtarët tjerë të Realit, si Sergio Ramos, Marcelo, Alvaro Arbeloa, kanë shkruar mesazhe të ndryshme në llogaritë e tyre të rrjeteve sociale.