Mposhtin liderin, bëhen liderë

Gonzalo Higuain ka shënuar dygolësh sonte për Napolin për ta ngritur ekipin e tij në krye të tabelës në Serie A sot, duke e mposhtur Interin 2-1 në San Paolo. 

Higuain po shihet në Napoli si Diego Maradona i ri, kur legjenda argjentinase kishte sjellë titullin kampion aty në vitin 1990, derisa ky i sotmi ka shënuar golin e 12-të të stinorit në 14 ndeshje. 

Inter tërë pjesën e dytë e ka luajtur me 10 lojtarë në fushë, pasi që në minutën e 44-të të ndeshjes japonezi Yuto Nagatomo morri kartonin e dytë të verdhë dhe u përjashtua nga loja. 

Por, Interi sidoqoftë kishte rastet e veta dhe ishte shumë afër barazimit të rezultatit, të cilën ia mohuan shtyllat, derisa ka regjistruar humbjen e dytë të stinorit, pas asaj ndaj Fiorentinës. 

TABELA AKTUALE E SERIE A

Mbrojtësi i kombëtares Elseid Hysaj ka qenë për 90 minuta në fushë, derisa u ndëshkua me karton të verdhë te Napoli, derisa sulmuesi i ri i kombëtares që luan për Interin, Rey Manaj, nuk pati rastin që të paraqitej. 

Në xhiron e radhës, Napoli i shkon Bolognës si mysafir, derisa Interi pret Genoan në shtëpi.