Munishi: Jemi skuadra më e përgatitur në Superligë

Pas eliminimit nga Besa, për Supersport foli Ismet Munishi, kryetrajneri i Dritës.

“Ishim në disavantazh dhe duhet t’i kryeja zëvendësimet. Ato rezoltuan të suksesshme sepse ne barazuam, mirëpo kush e mendonte se do t’i pësonim dy lëndime.

Më shumë më dhimben dy lojtarët e lënduar sesa humbja që e pësuam. Besa me plot meritë shkon tutje, kurse ne duhet të punojmë me ndërprerjet. 2 gola nga ndërprerjet në një ndeshje janë shumë.

Jam i kënaqur me vrapimin e lojtarëve, edhe kur mbetem me 9 lojtarë, dhe mund të them që jemi skuadra më e përgatitur në Superligë. Të tjerët mund të shkojnë në Antalya, por unë atje kam qenë para 20 viteve dhe e di si funksionojnë këto gjëra. Neve na pëlqen Shqipëria, shkuam atje dhe jemi skuadra më e përgatitur fizikisht.” - ishin fjalët e Ismet Munishit.