FERONIKELI - FERIZAJI
Ndjekja vazhdon me asistimet e Hotit
12 November, 2018 @15:26
Feronikeli ka shënuar fitore në duelin e fundit të xhiros XV të Superligës së Kosovës, duke e mposhtur Ferizajin sot 2-0.
Të dyja golat kanë ardhur në pjesë të parë, ndërsa të dyja golat i përgatiti Mendurim Hoti.
Së pari shënoi Kastriot Rexha në formë, në fillim të ndeshjes, kur tundi rrjetën kundërshtare në minutën e 15. Ndërsa pas tij nuk u vonua shumë, shënoi edhe Artur Magani, në minutën e 34-të të ndeshjes.
Në pjesë të dytë të ndeshjes Feronikeli kontrolloi lojën, ndërsa Ferizaji nuk pati fuqi për më tepër.
Pas kësaj fitoreje, Feronikeli vazhdon të ndjek Prishtinën lidere me një pikë më pak, ndërsa Ferizaji tashmë është në zonën e rënies dhe i duhet luftë e vërtetë që të mbijetojë në Superligë.
FORMACIONET STARTUESE:
| FERONIKELI: Smakiqi, Islami, Thaqi, Doshlaku, Lladrovci, Morina, Dabiqaj, Hoti, Magani, Fazliu, Rexha. | |||
| FERIZAJI: Blakqori, Kaqar, Marku, Mone, Haxhaj, Kaqiku, Berisha, Asani, Gashi, Berbatovci, Hamiti. |
