MILAN - JUVENTUS
Juventus fitimtar në San Siro
11 November, 2018 @22:38
Juventus ka dalë i suksesshëm edhe nga një derbi. Kësaj radhe viktima e bianconerëve nga Torino ka qenë Milan i Genaro Gattusos.
Me një gol të shpejtë që në fillim të ndeshjes, përmes Mario Mandzukic (8’) ndërsa kah fundi Cristiano Ronaldo (81’) u shfaq për të vulosur gjithçka, 0-2.
Milan në pjesë të parë pati penalltinë e dështuar, pasi që nuk shënoi Gonzalo Higuain. E argjentinasi, 7 minuta para fundit të ndeshjes mori dy herë të verdhën për të dalë jashtë dhe për ta lënë skuadrën me 10 lojtarë.
Juventus çon në 6 përsëri dallimin e pikëve me ndjekësin e parë të saj, Napolin.
