ONIX - BASHKIMI
Onixi ngritet me fitore
17 November, 2018 @15:27
Tri gola të shënuara për të marrë tri pikë. Onix ka kaluar lehtë pengesën e quajtur Bashkimi nga Koretini, të cilët janë në krizë të rezultateve, duke e mposhtur 3-1 sot.
Onixi me këtë fitore është ngritur në pozitë të katërt të Ligës së Parë, pozita këto që sigurojnë playoff për Superligë, ndërsa golat për ekipin fitues i shënuan Rimi Gashi, Agron Beqiri dhe Labinot Jetullahu.
Xhiroja e fundit e vjeshtës e pret Onixin në mysafirllëk të Vushtrrisë, ndërsa Bashkimi i Koretinit ka përballë Vëllaznimin e Gjakovës, ku shpreson të kapë ndonjë pikë para pushimit të gjatë dimëror me shpresë për këndellje pranverore.
