VERONË
Pas testit të Gabbiandinit, krejt Verona e Rrahmanit në izolim
12 March, 2020 @23:42
Skuadra e Veronës, ku luan edhe reprezentuesi Amir Rrahmani, ka bërë të ditur se i tërë ekipi, stafi dhe më gjerë janë futur në vetizolim, pasi që sulmuesi i Sampdorias Manolo Gabbiandini është testuar pozitiv në coronavirus.
Gabbiandini ka luajtur rreth një orë në përballjen që Sampdoria e fitoi 2-1 ndaj Veronës në fundjavën e kaluar, ndeshje kjo që u luajt pa prani të tifozëve.
Kështu, krejt ekipi, stafi dhe drejtorët që kanë udhëtuar në Xhenovë për këtë ndeshje, hynë në izolim të plotë vetanak deri më 22 mars.
Më parë, Juventusi ka bërë të ditur se ka futur 121 njerëz të ekipit në vetizolim, përfshirë edhe kryetarin Andrea Agnelli, pasi që lojtari i tyre dje u testua pozitiv me coronavirus.