Penalltitë vendosën, yjet e Leicesterit dështojnë

Jamie Vardy ka shënuar në minutën e fundit të kohës së rregullt, për të çuar në vazhdime ndeshjen ndërmjet Leicester Cityt dhe Manchester Cityt në kuadër të Kupës së Ligës angleze, 1-1.

Epërsinë Cityt ia kishte dhënë Bernardo Silva në pjesë të parë të ndeshjes 0-1.

Në vazhdime gola nuk kishte dhe ndeshja u vendos nga penalltitë.

Derisa Manchester City shënoi të katër penalltitë në dispozicion, Jamie Vardy dhe Riyad Mahrez dështuan të shënojnë për Leicesterin dhe ekipi i Pep Guardiolës arriti gjysmëfinalen. Vardy çoi topin jashtë, ndërsa goditja e Mahrezit u mbrojt nga portieri Claudio Bravo.

Gëzimi i madh pas fitores është vërejtur te Guardiola, pasi që në formacion nuk kishte thuajse asnjë startues nga ekipi i Cityt që shfaqet në Premier Ligë dhe në ekip kishte futur disa lojtarë shpresa të të kaltërve të Manchesterit.