Përmbledhja e ndeshjeve të sontme

Në dy orare të ndryshme, sonte u zhvilluan tetë nga gjashtëmbëdhjetë ndeshjet e xhiros së fundit të fazës grupore në Champions League.

Në Grupin E, Ajaxi e Bayerni shënuan fitore, për ta siguruar që të dyja kalimin në fazën tjetër, me xhiron e fundit që ka mbetur ta përcaktojë vetëm liderin e grupit, i cili do të përcaktohet në përballjen direkte mes dy skuadrave në fjalë në Holandë.

Në Grupin F, Lyoni e ndali në barazim Cityn, kurse Shakhtari shënoi fitore ndaj Hoffenheimit në Gjermani, për ta lënë akoma të hapur luftën për një vend që vazhdon tutje. Përveç Cityt që e ka siguruar fazën tjetër, Shakhtari e Lyoni do të përballen direkt për vendin e dytë të grupit.

GRUPET E CHAMPIONS LEAGUE

Në Grupin G, CSKA Moska u befasua nga Plzeni, derisa Reali shënoi fitore 0-2 në Romë, rezultate këto që i dërgojnë në fazën tjetër Real Madridin dhe Romën.

Sa i përket Grupit H, një gol i Marouane Fellainit pak para përfundimit të ndeshjes ia siguroi Unitedit biletën për fazën tjetër, ndërsa me fitoren ndaj Valencias, tutje në 1/8 e finales vazhdon edhe Juventusi.

Të gjitha rezultatet e ndeshjeve të luajtura sonte janë paraqitur më poshtë:

GRUPI E:

18:55 AEK 0-2 Ajax

21:00 Bayern 5-1 Benfica

GRUPI F:

21:00 Lyon 2-2 Manchester City

21:00 Hoffenheim 2-3 Shakhtar

GRUPI G:

18:55 CSKA Moska 1-2 Viktoria Plzen

21:00 Roma 0-2 Real Madrid

GRUPI H

21:00 Juventus 1-0 Valencia

21:00 Manchester United 1-0 Young Boys