Portieri Palacio, alternativë

Trajneri i Interit, Andrea Stramaccioni, ka lëvdëruar performacën e portierit të Interit, Rodrigo Palacio. Në fakt Palacio është sulmues, mirëpo pas lëndimit të Luca Castellazzit, nerroazzurët nuk kishin të drejtë për zëvendësim.

Kështu, Palacio hyri në portë dhe ka mbrojtur disa goditje të sulmuesve të Veronës në ndeshjen e mbrëmshme, duke u bërë hero dhe duke marë apllaudime nga i tërë stadiumi Giuseppe Meazza.

“Palacio ka qenë i shkëlqyeshëm mbrëmë. Ai do të jetë alternativë që duhet mbajtur mend për portën tonë,” ka thënë Strama.

Inter me fitore ndaj Veronës ka kaluar në çerekfinale të Kupës së Italisë bashkë me Romën, Juventusin, catanian dhe Milanin. Ndërsa sonte do të bëhen të ditur edhe skuadrat tjera nga ndeshjet: Lazio-Siena, Udinese-Fiorentina dhe Napoli-Bologna.