Premier League – ma e mira në botë

Shumë artistë kanë arritur periudhën lartësuese pas vdekjes. Për shkak të marketingut, shumë vende në botë përkundër bukurive të tyre mbeten të fshehura nga syri i turistëve. Ngjashëm ndodh edhe me filma, muzikë, libra. Por, që të gjitha kanë tifozët e tyre, të cilët në një mënyrë apo tjetrën kënaqen me to. Ngjashëm edhe me futbollin. Të jesh tifoz i një ekipi është diçka personale, e veçantë, dhe thelbësore për dikë.

Kjo vlen për popullin britanik të cilët më së miri përshkruhen në librin autobiografik të Nick Hornby. Për shumëkënd aty, mos të them për të gjithë, të dyja gjinitë, të gjitha moshat, futbolli, ekipi është diçka thelbësore. Ashtu siç thotë edhe Hornby ‘U dashurova në futbollin ashtu siç më vonë u dashurova në gra: papritmas, pashpjegueshëm, pa kritikë, duke mos i dhënë fare hapësirë mendimit për dhimbjen dhe përçarjen që do të më sillte.’

Kështu, për dikë futbolli është dashuria e parë, diçka që nuk largohet deri në frymën e fundit. Megjithatë askush nuk është sikur anglezët të dhënë pas futbollit. Kjo është një ndër arsyet pse shumica e neve të huajve dashurohemi në futbollin anglez, qoftë edhe nëse kemi ekip nga ndonjë ligë tjetër. Dashuria angleze për futbollin është arsyeja pse ligat nga Ishulli janë më të mirat, më të ndjekurat anekënd planetit. Ashtu siç përshkruhet Simon Kuper, një tifoz skandinav prindi i të cilit është tifoz i flaktë i Leyton Orient, ashtu mund të përshkruajmë futbollin anglez dhe penetrimin global të tij.

Tifozët janë ndër faktorët kryesorë të cilët e bëjnë Premier Ligën dhe divizionet tjera më të mirat në planetë. Pa marrë parasysh sa të pasuksesshëm janë ekipet e tyre, dashuria për to nuk ka të ndalur, ashtu siç mund ta shihni në videot më poshtë.

Dhe për këta tifozë, futbollistët nga të gjitha nivelet e futbollit anglez, sot luajnë futboll, si dhuratën më të shkëlqyeshme për një vit të ri. Sepse, a ka dhuratë më të mirë se një ditë të mbushur me futboll?! Urime festat dhe vazhdoni të kqyrni futboll!