PARA NDESHJES
Prishtina e Norrkoping, sot me stërvitje para ndeshjes
5 July, 2017 @10:07
Skuadra e Prishtinës që do të dalë para Norrkopingut në ndeshjen e kthimit për kualifikim në Europa Ligë, nesër mbrëma, sonte do të zhvillojë stërvitjen në “Adem Jashari” të Mitrovicës, ka bërë të ditur një njoftim i klubit dërguar pak më parë në adresën tonë.
Stërvitja e Prishtinës do të nis në ora 20:00 në stadiumin e Mitrovicës, ndërsa në 18:30 do të stërviten futbollistët e ekipit suedez, që thuajse kanë siguruar plasmanin në raundin e dytë kualifikues pasi që mposhtën Prishtinën 5-0 në ndeshjen e parë.
Ekipi i Norrkoping arrin sot në mesditë në Kosovë.
