Robben përleshet me Indin

Dribleri holandez, Arjen Robben, ka treguar aftësitë e tij edhe në stërvitjen e djeshme të përfaqësueses holandeze në Brazil. 

Mirëpo, në njërin prej dueleve me mbrojtësin Martins Indi, Robben ka rënë në tokë e më pas e ka shqelmuar Indin. 

“Arjen është driblues i mirë. Mirëpo, mendoj se po rrëzohet në fushë pa nevojë, pa e prekur. Kemi pasur një përleshje kokë-më-kokë, jo më shumë,” ka raportuar kanali televiziv Eurosport fjalët e mbrojtësit Indi, i cili ka pranuar se është frustruar me Robbenin teatral. 

Më tej bëhet e ditur se edhe Louis Van Gaal i ka folur Robbenit për sjelljet e tij duke ia tërhequr vërejtjen. 

Holanda ndeshjen e parë e luan ndaj Spanjës, kampiones aktuale të Botës.