Shakhtar kërkon 30mln euro nga Arsenali për mbrojtësin

Skuadra ukrainase Shakhtar Donetsk është duke kërkuar 30 milionë euro dëmshpërblim nga Arsenali, për t’ua dhënë kartonin e qendërmbrojtësit Mykola Matviyenko, kanë bërë të ditur raportet nga mediat angleze dhe ato ukrainase sot.

Matviyenko 23 vjeç, që është prodhim i shkollës së Shakhtarit është i rregullt në ekipin ukrainas, ndërsa ka luajtur të dyja ndeshjet e këtij sezoni në Champions League ndaj Manchester Cityt - ku trajneri i aktual i Arsenalit, ka qenë ndihmës në atë kohë.

Në 61 ndeshje të zhvilluara për Shakhtarin, Matviyenko ka shënuar katër herë dhe ka asistuar tre herë, ndërsa ka qenë pjesë e ekipit në të gjashtë ndeshjet e fazës grupore në Ligë të Kampionëve.

Derisa Shakhtar po kërkon 30 milionë euro për kartonin e tij, për momentin Arsenal po shikon opcionin e huazimit me mundësi blerjeje dhe mbetet të shihet si do të përfundojë ky pazarllëk.