Sheva tregon ku qëndron forca e Kosovës

Selektori i Ukrainës, Andriy Shevchenko, në një intervistë për Sportin ukrainas ka bërë të ditur ndër të tjera edhe ku buron forca e reprezentacionit të Kosovës.

Në pyetjen se cila është pika më e fortë e Kosovës, ish-sulmuesi i Milanit ka thënë:

“Ekipi është kompunuar nga krahë shumë të shpejtë. Si rrjedhojë, ata çdo kundërsulm të tyre mund ta shndërrojnë në gol,” - citohet të ketë thënë Shevchenko.

Për më tepër, ai është pyetur edhe për pritjet në ndeshjen e sotme, pas humbjes së rëndë të Kosovës ndaj Kroacisë.

“Ne kemi informatata të mjaftueshme për rivalin. I kemi shikuar disa ndeshje të tyre, si dhe dy të fundit zyrtare. Ata luajnë mirë. Janë ekip i ri dhe mund ta quaj si ekip që mund të befasojë çdokë në grup që nuk e merr seriozisht. Pas dy barazimeve ne kërkojmë fitore, por edhe Kosova kërkon rezultat të mirë,” - ka thënë selektori i Ukrainës para ndeshjes së sotme.