Shillova i jep fitoren e madhe Prishtinës

Lideri i Superligës së Kosovës, Gjilani, ka rënë sonte në Prishtinë, pasi që në momentet e fundit të ndeshjes, sulmuesi i ardhur sivjet te bardhekaltërit, Alban Shillova ka qëlluar portën kundërshtare pasi pranoi një top të mirë dhe në kthim shënoi për përfundimtaren 1-2 (90’+ 4).

Ky gol, ka bërë edhe debutimin e mbarë për trajnerin e ri të Prishtinës, Armend Dallku, që dy ditë më parë u zyrtarizua si trajner i ekipit pas dorëheqjes së papritur të Bylbyl Sokolit, që qëndroi 17 ditë në ekip.

TABELA AKTUALE

Gëzimi i madh si te Plisat në tribuna, ashtu edhe te futbollistët në stadium që vrapuan në përqafim të njëri-tjetrit për fitoren e madhe.

Sa i përket ndeshjes në përgjithësi, Prishtina e nisi me epërsi të hershme, kur Ergyn Ahmeti shfrytëzoi një gabim të mbrojtësit gjilanas Ylber Kastrati, për të shënuar për 1-0 (13’).

Rast për Gjilanin pas kësaj patën Gerhard Progni, tre herë, pastaj Fiton Hajdari, që hyri në lojë në pjesë të dytë. Sidoqoftë, insistimi i djelmoshave të Gentjan Mezanit u shpërblye me gol 7 minuta para fundit të kohës së rregullt.

Ka qenë një krosim, kur sulmuesi kroat i ekipit Tomislav Busic kapi topin me kokë para portierit Visar Bekaj dhe atë top të rënë në tokë e dërgoi në portë Bedri Greca për të barazuar shifrat në 1-1 (83’).

TABELA AKTUALE

Në minutat e mbetura ishte Gjilani që dominonte, por dy rastet që mund të ishin tepër të rrezikshme, përfunduan me pasime të gabuara në fund.

E një top që çau mbrojtjen e mysafirëve në kohën shtesë, nga ana e majtë, gjeti Shillovën afër pikës së bardhë. Ky i fundit e pranoi atë, një rrotullim, dhe qëlloi anën e majtë të portës për fitore.

Fitorja e çon Prishtinën në 7 pikë dhe në mes të tabelës, derisa Gjilani bashkëkryeson me Feronikelin në tabelë, me bilans krejt identik.

i: