SUNDERLAND
Shkarkohet Poyet
16 March, 2015 @15:12
Humbja e thellë në fundjavë nga Aston Villa, ka qenë e papranueshme për drejtuesit e Sunderlandit, që sot shkarkuan trajnerin Gustavo Poyet nga detyra e tij.
Uruguajani 47 vjeç që erdhi në Sunderland në tetor të vitit 2013 ka mbajtur sot në mëngjes stërvitjen e fundit me lojtarët e tij, para se kryesia t’ia kumtojë lajmin.
Sunderland ka pësuar për herë të parë në histori të Premier League-së, katër gola në pjesë të parë si vendas, derisa ka barazuar rekordin e humbjes më të thellë në Premier League të Maceve të Zeza.
Sunderland, aktualisht zë vendin e 17-të në klasifikim të Premier League dhe është vetëm një pikë larg zonës së rrezikshme që i rrëzon në Championship.
