Shkupolli shkëlqen në fitoren e parë

Mesfushori Visar Shkupolli ka qenë lojtari i ndeshjes së sotme ku Trepça arriti fitoren e parë në stinorin 2013/14 të Superligës së Kosovës. 

Shkupolli ka shënuar një gol me kokë në minutën e 32-të të pjesës së parë të takimit, pas asistimit të  Veton Shabanit, ndërsa në pjesën e dytë Shkupolli në formë sot, ka asistuar për sulmuesin Florent Sejdiu që ka shënuar për rezultatin përfundimtar të takimit 2-0 në të mirë të mitrovicasve. 

Kjo ka qenë ndeshja e parë e Trepçës pa trajnerin e dorëhequr Rafet Prekazi, që u udhëheq nga ish lojtari dhe asistenti i trajnerit Sheremet Isufi. 

Besa përkundër disa rasteve nuk ka arritur të shënojë gol, duke regjistruar kështu humbjen e parë të stinorit. 

Tabela aktuale.