SLLOVAKIA - SPANJA
Spanja shpërthen te Sllovakia, kualifikohet në 1/8 e finales
23 June, 2021 @20:10
Pas 2 barazimeve, Spanja shpërtheu te Sllovakia dhe e mposhti me rezultat të thellë 0-5.
Spanja në minutën e 12’ dështoi nga penalltia me Alvaro Moratën, më saktësisht e priti portieri Martin Dubravka, por ky i fundit bëri një gabim amatoresk në minutën e 30’, i cili nuk arriti ta largonte topin dhe shënoi autogol.
Spanja e dyfishoi epërsinë në fund të pjesës së parë me Aymeric Laporte, pas asistimit të Gerard Morenos.
Edhe pjesa e dytë e nisi me golin e Pablo Sarabias (56’), e më pas kontrolli ishte totalisht te spanjollët.
Në minutën e 67’, golin e katërt shënoi Ferran Torres, kurse goli i pestë erdhi përsëri nga autogoli, që shënoi Juraj Kucka (71’).
Spanja me këtë fitore u kualifikua në 1/8 e finales, duke e përfunduar Grupin E në pozitën e dytë.
