Taarabt përësi shënon, Milan fiton

Milan kthehet me fitore nga mysafirllëku i vështirë në Luigi Ferraris. Nxënësit e Clarence Seedorf arrijnë të mposhtin Sampdorian e Sinisa Mihajlovicit 2-0 jashtë dhe atë me golat e të ardhurve në afat kalimtar të janarit, Adel Taarabt dhe Adil Rami. 

Taarabt ka shënuar golin e dytë të tij në Serie A, në fillim të takimit, derisa Adil Rami shënon për 2-0, në pjesë të dytë, gol ky që u kontestua nga vendasit. 

Giampaolo Pazzini ka pasur rast të mirë në fillim të takimit, por golin e sigurt nga porta e largoi mbrojtësi shqiptar i Sampdorias, Shkodran Mustafi. 

Dyshja e trajnerëve të dy ekipeve, Seedorf e Mihajlovic njihen që nga koha kur kanë djersitur bashkë fanellën e ekipit të Xhenovës, Sampdoria, në stinorin 1995/96, derisa fitues i duelit të parë të tyre direkt si trajner doli holandezi. 

Në fund të ndeshjes u goditën dy shtylla karshi-karshi, kur Eder i Sampdorias dhe Keisuke Honda i Milanit nuk ishin sa duhet preciz për të shënuar golat e radhës në ndeshje dhe përfundimtarja mbeti 2-0 në të mirë të rossonerëve, të cilët kthehen me fitore në ligë pas disfatës si vendas në Ligë të Kampionëve. 

Rezultatet dhe tabela aktuale.