WATFORD-CHELSEA
Thellohet kriza!
5 February, 2018 @22:56
Vetëm 5 ditë pasi që pësuan humbjen më të thellë të stinorit në Stamford Bridge, 0-3 nga Bournemouth, Chelsea ka pësuar edhe humbjen më të thellë jashtë terrenit sonte, 4-1 nga Watfordi.
Në momentin kur të kaltërit e Londrës prisnin që me fitore të dalin në vend të tretë të klasifikimit duke e shfrytëzuar gabimin e Liverpoolit dje, ata u mposhtën keq dhe thelluan krizën në ekipin e Antonio Contes.
Derisa Tiemoue Bakayoko u ndëshkua me të kuqe në minutën e 30 të ndeshjes, pas dy të verdhave të marra shpejt, debutimi i Olivier Giroudit nuk shfaqi asgjë më vonë.
Në anën tjetër, Watford me Troy Deeneyn në formë, ka avancuar. E më vonë, Deeney ka ndihmuar eshte bashkëlojtarët tjerë për të thelluar epërsinë me lojën e tij brilante në zonë të sulmit.
E debutuesi i Watfordit, Gerard Deulofeu, ka shënuar gol për të nisur në mënyrën më të mirë aventurën te ekipi i ri.
