Tre shqiptarët e MLS-së

Kampionatit të futbollit në SHBA, sivjet do të ketë numër rekord të shqiptarëve.

Si kurrë më parë, në ligën e njohur amerikane, MLS, do të luajnë tre futbollistë shqiptarë.

Shkëlzen Gashit, yllit të skuadrës Colorado Rapids, që tashmë ka kaluar një stinor në këtë ligë, nga fillimi i stinorit të ri do t’i bëjnë konkurrencë edhe mesfushori tjetër i kombëtares, Jahmir Hyka, me skuadrën e tij, San Jose Earthquakes, si dhe mesfushori shqiptar me nënshtetësi daneze, Bashkim Kadrii, me skuadrën e tij, Minnesota United.

Gashi tashmë e ka dëshmuar veten me paraqitje të mira në stinorin e kaluar, ndërsa për dyshen Hyka dhe Kadrii mbetet të shihet nëse do të mund të ambientohen lehtë në kontinentin amerikan.

Ndryshe nga Gashi dhe Hyka, Bashkim Kadrii këtë stinor do të luajë si lojtar i huazuar te Minnesota, tek e cila kaloi nga skuadra daneze, Copenhagen.

Kampionati në MLS fillon nga java e parë e muajit mars.