MIQËSORE
Vëllaznimi mposht Lirinë në miqësore
27 January, 2017 @18:30
Dueli i dy rivalëve të vjetër, Lirisë dhe Vëllaznimit, në ndeshjen kontrolluese që u zhvillua sot në stadiumin “Përparim Thaçi” në Prizren, përfundoi me rezultat 3-4 në të mirë të Vëllaznimit.
Ndeshja kishte më shumë karakter miqësor dhe trajnerët të të dyja skuadrave u munduan që më shumë të eksperimentojnë me taktika dhe t’i provojnë lojtarët e tyre, derisa rezultati ishte më shumë në plan të dytë.
Golat e Lirisë në këtë ndeshje i shënuan Visar Berisha (P), Qëndrim Gashi e Fillim Guraziu, ndërsa për Vëllaznimin realizatorë ishin Albutrint Morina, Rron Rogova (x2) dhe Yll Myrta (P).
