STADIUMI
BOROZANI / G.P
Vendimi për stadiumin, pas Superkupës
6 August, 2018 @15:17
A do ta ketë Kosova shtëpinë e saj gati për Ligën e Kombeve në shtator?
Këtë do ta mësojmë më datën 13 gusht, pas ndeshjes së Superkupës së Kosovës mes Dritës dhe Prishtinës, skuadra të cilat do të jenë të parat që do të ‘shkelin’ në stadiumin e ri.
LIGA E KOMBEVE - GRUPET DHE ORARI
Stadiumi “Fadil Vokrri” sot është inspektuar nga zyrtari i UEFA-së pa praninë e mediave, mirëpo “Sporti në KTV” ka mësuar që vendimi final se a i plotëson të gjitha kushtet ky stadium në mënyrë që Kosova ndeshjet në kuadër të Ligës së Kombeve t’i luajë aty, do të merret më 13 gusht.
Në rast se stadiumi nuk i plotëson të gjitha standardet e kërkuara sipas rregullores, Kosova do të detyrohet përsëri t’i luajë ndeshjet si vendas në Shkodër apo diku tjetër, gjë që shpresojmë të mos ndodhë.
