Vushtrria në disiplinore pas incidentit ndaj 89’shit

Komisioni Disiplinor (KD) i Federatës së Futbollit të Kosovës (FFK) ka parë inçizimet televizive dhe ka lexuar raportet e zyrtarëve të ndeshjes Vushtrria - Trepça’89 dhe ka futur në procedurë disiplinore ekipin e Vushtrrisë.

“Për FC Vushtrria hapet procedurë disiplinore nga KG për lëshime në organizimin e ndeshjes së javës së tretë të Superligës, zhvilluar në Ferki Aliu, ku ka pasur ofendime ndaj ekipit mysafir në kor nga ana e tifozërisë nikoqire, hedhje të 5 shisheve pvc në fushë dhe kanaçe në drejtim të referit anësor, si dhe hyrja e një grupi të spektatorëve në fushë për të festuar golin,” ka shkruar në Vendim.

KD ka kërkuar raport plotësues nga FC Vushtrria para se të shqiptojë dënimin, pas procedurës së ngritur. Ndeshja përfundoi baraz 1-1.