SHORTI I GRUPEVE
United lehtë, Roma e Arsenali do të kenë punë
30 August, 2019 @14:18
UEFA ka tërhequr shortin e fazës grupore të Europa Ligës sot, ndërsa skuadrat kryesore që mëtojnë titullin e kësaj gare, titull ky që ua siguron Ligën e Kampionëve për sezonin tjetër, pritet të kenë punë jo të lehtë deri në finale.
Manchester United që e ka fituar Europa Ligën në 2016/17 ka dalë në një grup që mund të konsiderohet i lehtë. Nxënësit e Ole Gunnar Solskjaerit do të përballen me Astanan, Partizanin dhe Alkmaarin në Grupin L.
Roma që nuk e ka fituar asnjëherë këtë garë dhe me trajnerin e ri Paulo Fonseca dëshiron të shkruajë historinë, do të ketë punë ndaj Monchengladbachut, Basaksehirit dhe Wolfsbergut.
Lazioja ku luajnë Valon Berisha e Thomas Strakosha do të ketë punë me Celticun, Rennesin dhe Clujin, ndërsa Arsenali i Granit Xhakës do të ndeshet me Eintrachtin, Standardin e Mërgim Vojvodës dhe Victorian portugeze.
Baseli i Tauluant Xhakës, Edon Zhegrovës e Kemal Ademit është në Grupin C me kundërshtarë si Kuban, Getafe dhe Trabzon, derisa Portoja që ka fituar garën në 2010/11 do të ketë përballë në Grupin G Young Boysin, Feyenoordin dhe Rangersin skocez.