VUSHTRRIA - DRENASI
Vushtrria pret vetëm teorikisht Superligën
5 May, 2019 @18:54
Fitore bindëse e Vushtrrisë për të pritur tashmë vetëm teorikisht sigurimin e Superligës.
Tre golat e ekipit vushtrrias sot në fitoren 3-0 ndaj Drenasit i shënuan Daut Maxhuni, Alban Rexhepi dhe Shqipdon Ademi.
Me këtë fitore Vushtrria tashmë ka 63 pikë, 7 më shumë sesa ndjekësi i parë Dukagjini, 3 xhiro para fundit të stinorit.
Drenasi në anën tjetër është pranë zonës së barazhit në Ligë të Parë dhe me këtë humbje mund të rrezikojë epitetin e ekipit të Ligës së Parë.
Në xhiron që vjen luhet derbi Dukagjini-Vushtrria.
