GOLI I PARË I ZHEGROVËS
Zhegrova me gol, Xhaka me 2 asistime
25 September, 2019 @22:05
Edon Zhegrova përfundimisht ka shënuar golin e parë të tij kampional në Superligën zvicerane të futbollit, pasi që sot në përballjen ndaj Zurichut, ai i ka dhënë epërsinë 3-0 Baselit, që në fund fitoi me 4-0.
Zhegrova shënoi vetëm 7 minuta pasi që u fut në lojë, kur trajneri Marcelo Koller i dha rastin atij në minutën e 73-të, ndërsa që në të 80-tën minutë, ai pranoi një top nga Taulant Xhaka, për të dribluar dhe vrapuar në stilin e tij për golin e parë të tij në elitën zvicerane.
Taulant Xhaka në anën tjetër ka qenë në formë të mirë sot. Ai përveç asistimit ndaj Zhegrovës, i ka dhënë asist edhe brazilianit Arthur Cabral, që shënoi golin e parë të Baselit për 1-0. Xhaka luajti 84 minuta sot.