GLASGOW RANGERS
Foto: rangers.co.uk
Zyrtarizohet Gerrard
4 May, 2018 @15:31
Steven Gerrad është emëruar trajner i ri i Glasgow Rangersit, pasi që sot zyrtarisht ka nënshkruar kontratë 4 vjeçare me ekipin.
Ish-mesfushori i Liverpoolit, 37 vjeçari Gerrard, do të zëvendësojë Graeme Murtyn, që u shkarkua tre xhiro para fundit të stinorit.
“Jam i nderuar që do të jem trajner i radhës te Rangersi,” ka thënë Gerrard për faqen zyrtare të ekipit të tij të ri.
“Kam respekt të madh për këtë klub, historinë dhe traditën. Mezi pres fillimin e aventurës së re dhe do të punojmë për suksese të reja të klubit,” kanë qenë fjalët e para të tij.
