100+ dhe mbi Unitedin

Jurgen Klopp në deklaratën e tij pas fitores së thellë të Liverpoolit ndaj West Ham Unitedit ka qenë i stërkënaqur.

Nesër ndeshen Manchester United dhe Chelsea në Old Trafford, ndërsa Liverpool me fitoren 4-1 ka dalë në pozitën e dytë të klasifikimit dhe në rastin më të mirë, fitorja e Chelseat nesër do ta qetësonte së paku për një xhiro ekipin e Kloppit në pozitën aktuale.

Pjesa ofanzive e Liverpoolit ka qenë fantastike përsëri sot, derisa Mohamed Salah ka shënuar dhe ka asistuar, sikurse edhe Emre Can që tundi i pari rrjetën mysafire sot, ndërsa festën në Anfield e mbylli Sadio Mane.

TABELA AKTUALE E PREMIER LEAGUEs

Liverpool përndryshe me golin e parë të shënuar në ndeshje sot, ka kaluar numrin e 100 golave të shënuara këtë stinor (në të gjitha garat) - dhe kujtojmë, është muaji shkurt!

Sa i përket West Ham Unitedit dhe trajnerit të tyre David Moyes, ky i fundit me asnjë ekip që ka drejtuar nuk ka arritur të dalë fitues në Anfield Road.

Ndërsa përforcimi i fundit i ekipit të tij, Patrice Evra, ka debutuar për West Hamin në Premier Ligë në moshën 36-vjeçare, në rikthim, duke u bërë lojtari i pestë i huaj më në moshë që paraqitet këtë stinor në elitën angleze.