1/4: ATLETICO - SPORTING
Foto: uel
45 minuta mjaftojnë për Atleticon
5 April, 2018 @22:49
Atletico Madrid ka shënuar fitore me rezultat 2-0 ndaj Sportingut të Lisbonës sonte në përballjen e parë çerekfinale të Europa Ligës.
Koke ka shënuar brenda 23 sekondave të para të ndeshjes, pas një gabimi të mbrojtjes kundërshtare, ndërsa Antoine Griezmann i ka hequr dilemat e fituesit me golin e shënuar 5 minuta para fundit të pjesës së parë.
Diego Simeone ka qenë i qetë gjatë ndeshjes pas avantazhit 2-0, derisa tentimet e Sportingut të Jorge Jesusit qenë të pamjaftueshme për të tundur rrjetën e Jan Oblakut sonte.
Sporting do të tentojë të befasojë Atleticon në ndeshjen e kthimit, që luhet javën tjetër në kryeqytetin e Portugalisë.
